三文魚含豐富的Omega-3脂肪酸 相信唔少人都知道 其中的EPA能抗發炎 有保護心血管、防止血栓形成 而DHA對大腦亦很有益處 紅肉三文魚屬於天然的類胡蘿蔔素 係抗氧化蝦紅素又有冇聽過呢 它能夠輔助葉黃素保護黃斑部 也能舒緩眼睛疲勞 對於經常用電腦手機的我們 起了很大的保護作用 既然三文魚能護心護腦又護眼 咁好嘅食材梗係要加入日常料理 一星期食佢一兩次對身體就最好啦 怕魚腥味？ 只要跟住我做就冇有怕 做法 三文魚塊沖水，用厨紙吸乾水份 視乎個人口味，洒上適量海鹽醃半小時 燒熱易潔鑊，下少許油 三文魚落鑊前，再用厨紙印乾 皮向下，中火煎五分鐘左右至金黃 其間不要翻動 可以輕搖易潔鑊測試三文魚 如果唔黐即可反轉 再按自己喜歡嘅生熟程度 多煎三幾分鐘即可出鍋 好食都要好睇 相機食先嘛😉 多做一步.... 擺盆 將一湯匙沙律醬混和少許日本芥末 放在碟中央一字排開 用义由上而下劃出直紋 放上皮脆肉嫩煎香咗嘅三文魚塊 加片檸檬、幾粒三色椒、海鹽及香草 嗱嗱嗱! 你話好唔好睇啦🤔 最令我滿足嘅就係 上枱果陣 聽到"嘩" "嘩" 聲 希望你同樣得到食客嘅讚嘆